Important =)

Igira kon a makaaawid a akal o
Rasulollah (Sallallaho 'Alaihi Wasallam)
na aya psowaan iyan na PAMAKOT SAMBAYANG.



So taw a siapen iyan so Sambayang na balasan o Allah sa lima:

1. Pakalidasn skanyan ko9 kasimpit o kakawyagan
2. Pakalidas ko siksa sa Qobor
3. Pikikawa ron a Allah so kitab iyan a Qur-an sa kawanan
4. Pakaokit ko sirat sa lagid o kilat
5. Pakasold ko Sorga sa daden a Kapamagitong

So taw a indaraynon iyan so Sambayang na siksaan skanyan o Allah sa sapolo ago lima:
Lima sa donya, telo ko sakaratal maut, telo ko Qobor, go telo ko kapakaliyo niyan ko Qobor.

So sii ron sa donya na papasen o Allah so barakah ko kapagintaw niyan, ikadowa na papasen o Allah ko bontal iyan so toos a mga pipiya i amaal, ikatelo na so langon o amal a pagamaln niyan na da a balas iyan ko Allah, ikapat na di khinaik so mga pangni niyan ko langit, ikalima na daden a kabenar iyan a bagian ko pangni a pipiyapiya.

So peman so kisogaton ko kapatay niyan na mataan a skaniyan na phatay a madidiyaman, ikadowa na na patay skanyan a pkaor, ikatlo na patay skanyan a pkawaw a apiya piyakiinom ron so langon o ragat sa donya na di ron makabolong sa kawaw

So pman so kisogat ron ko Qobor na paganay ron na nggopiton skaniyan o Qobortaman sa makasowa-soway so mga gosok iyan, ikadowa na khadeg so Qobor iyan sa apoy pkliklidun skaniyan ron sa gagawii dawndaw, ikatlo na botawanan rkaniyan ko Qobor iyan so nipay a pmbotowan sa Sojja-ol Aqra aya kailay niyan na kadeg go mga potao ko kanoko niyan a aya katas iyan na salongan a ilalakaw ron sa tharoon iyan sangkoto a miyatay: "sakun so Sojja-ol Aqra. siyogo ako o Kadnan ko a siksaan ko ska sabap ko kinibagakun ka ko Sambayang (oman wakto)" so lago niyan na lagid o dalendeg a matanog. Oman iyan mabntol so miyatay na pkilebeng ko lopa sa pito polo ka hasta sa daden a ipepharempes o siksa iyan ko Qobor taman ko kapakaliyo niyan ko Qobor na khararangitan skaniyan o Kadnan go phakasoled ko apoy ko Naraka.



^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^